***မဲဆောက်အလှ***
မဲဆောက်ညဟာ ထိန်ထိန်သာတဲ့လကို
ပမာမခန့်နဲ့ တရေးနိုးမှ သတိထရတတ်ရဲ့
(တတ်လည်းတတ်နိုင်ပါရဲ့)
ကျီးလန့်စာစား မဲဆောက်ဟာ
ထ္မင်း...ဟင်းကို ဘတ် ၂၀ နဲ့
ခပ်လွယ်လွယ် ဖြတ်လို့ရတယ်...။
ကိုယ့်ရာသီခွင် ကိုယ်ပတ်တဲ့
မဲဆောက်မှာ
မောင်းသူမဲ့လူနဲ့ လိုင်စင်မဲ့ယာဉ်ပေါသလို
ရိုဟင်ဂျာ နဲ့ ရခိုင်
ဓါးတွေမကိုင်ပဲ
(ဥပဒေအရ) နေလို့ရတယ်...။
ကျူးကျော်သူမရှိ
ရွှေ့ပြောင်းတွေပဲ ရှိတဲ့.
မဲဆောက်မှာ
တရားဝင် စကပ်တိုခွင့်ရှိသလို
တရားမ၀င်
မယားယူခွင့်လည်းရှိပြန်ရော...။
အချစ်ယောင်ဆောင်ထားတဲ့
အပြာရောင်ညကို ဖန်ဆင်းပြတဲ့
သုံးထပ်ကုတင်မှာ အလယ်လင်မယား
အပေါ်လူပျို အောက်ဆုံး အပျိုနဲ့
မဲဆောက်အချစ် ၁၅ မိနစ် ဖျစ်ဖျစ်မြည်အောင်
ချစ်ပြလို့ရတယ်....။
မာယာသယံဇာတ
ပေါကြွယ်ပြတတ်တဲ့
မဲဆောက်ဟာ...
ဖမ်းလိုကဖမ်း သွန်လိုကသွန်
ခေတ်တခေတ်ရဲ့ ကျွန်အတွေလို
ဖြတ်သန်းနေသူတွေနဲ့
သရုပ်မှန်ကို အိပ်သွန်ဖားမှောက်
ရှု့စားသူ ထွက်သက်မှားအောင်
ကပိုကရိုဆန်တဲ့ သူ့အလှကို
မြင်သာထင်သာကြီးကို ချပြနေတော့တယ်...။ ။
ကြခတ်
October 08,2012
No comments:
Post a Comment